00:00:00 IGIHE NETWORK KN KINYARWANDA EN ENGLISH FR FRANCAIS

Kenya: Ishyaka rya Odinga rishobora kutemera ibyavuye mu matora

Yanditswe na IGIHE
Kuya 16 August 2022 saa 07:43
Yasuwe :

Umukandida w’ihuriro ry’amashyaka rya Azimio La Umoja, Martha Karua wari wagenwe na Raila Odinga nk’uzamubera visi Perezida, yaragagaje ko atemera ibyavuye mu matora byerakanye ko William Ruto ari we wegukanye intsinzi ku mwanya w’umukuru w’igihugu.

Ku wa Mbere tariki 15 Kanama 2022 nibwo byatangajwe ko William Ruto wari umaze imyaka 10 ari Visi Perezida wa Kenya ari we watorewe kuyobora iki gihugu ku majwi 50,49%, atsinze Raila Odinga bari bahanganye.

Nyuma gato y’itangazwa ry’ibyavuye mu matora yabaye ku wa 9 Kanama, Karua yagize ati “Ntibirangiye.”

Abayobozi bo mu ihuriro rya Azimio La Umoja bavuze ko hakekwa uburiganya mu migendekere y’amatora nk’uko inkuru dukesha Citizen Digital ibivuga.

Mbere y’uko Perezida wa Komisiyo y’Amatora, Wafula Chebukati atangaza amajwi, uwari uhagarariye Raila Odinga, Perezida w’Ihuriro ry’amashyaka rya Azimio La Umoja, Saitabao Ole Kanchuri, yavuze ko ikoranabuhanga ryakoreshejwe mu kubarura amajwi ryinjiriwe.

Ubusabe bwo kutemera ibyavuye mu matora bugomba kuba bwatanzwe mu minsi irindwi uhereye igihe komisiyo y’amatora yatangarije amajwi. Urukiko rw’Ikirenga rugena ko ubusabe bwigwaho bitarenze iminsi 14 uhereye ku munsi bwakiriweho.

Martha Karua yavuze ko ibintu bitararangira, aca amarenga ko ashobora kwamagana ibyavuye mu matora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .