Uru rutonde rwakozwe n’uburubuga ‘Afri Fashion Promotion’ rukorera muri Ghana na Nigeria, rusanzwe rukora ibikorwa byo guteza imbere uruganda Nyafurika rw’imideli.

Christine Munezero ni Umunyarwandakazi w’imyaka 26 ukomeje kuzamura ibendera ry’u Rwanda mu kumurika imideli, binyuze mu bigo mpuzamahanga by’imideli akorana nabyo.

Mu 2019 nibwo yatangiye gukorana na ‘Webest Model Management’ yamufashije kugera ku ruhando mpuzamahanga akomezanya na ‘Next Models Worldwide’ yamutumbagije.

Buri birori bikomeye by’imideli nka ‘New York Fashion Week’, ‘Paris Fashion Week’, ‘Milan Fashion Week’ n’ibindi uyu mukobwa abigaragaramo yerekana imyambaro y’ibigo bitandukanye mpuzamahanga.

Mu bigo by’imideli yakoranye nabyo harimo Maison Valentino, Maison Margiela, Chloé, Dior, Versace, Maxmara, Gucci, Courrèges, Giambattista Valli n’ibindi.

Kuri uru rutonde hariho na Anok Yai uturuka muri Sudani y’Epfo, Maria Borges wo muri Angola, Mary Ukech nawe w’umunya-Sudani, Gifty Emmanuel wo muri Nigeria, Herieth Paul wo muri Tanzania, Ugbad Abdi wo muri Somalia na Mayowa Nicholas w’umunya-Nigeria.

Christine Munezero akomeje kuzamura ibendera ry'u Rwanda ku ruhando mpuzamahanga mu kumurika imideli

Uyu mukobwa akorana n'ibigo mpuzamahanga by'imideli nka Dior, Gucci n'ibindi

Christine Munezero yashyizwe ku rutonde rw'abanyamideli beza baturuka muri Afurika