Ibarura ry’inyamaswa zo muri Pariki y’Igihugu y’Akagera ryakozwe muri Kanama 2023, ryakozwe habarurwa inyamabere nini n’ibindi binyabuzima byose biba muri iyi pariki, hagamijwe kumenya ibinyabuzima byose no kubibungabunga.

Nubwo imibare ya nyuma itari yashyirwa ahagaragara, ibarura ry’ibanze rigaragaza ko Pariki y’Igihugu y’Akagera icumbikiye inyamaswa 11.338 ziba ku butaka no mu bishanga bigize iyi pariki.

Zirimo inzovu 142, impala 1.153, imvubu 1.820 n’izindi. Iri barura kandi ryagaragaje ko ko iyi pariki irimo ubwoko butatu bw’ingwe n’impyisi z’amoko atandatu, byongera ubwiza mu muryango w’inyamaswa z’indyanyama.

Muri Pariki y’Akagera hari ingwe zibarirwa hagati ya 60 na 80 n’impyisi ziri hagati ya 120 na 150; imibare igaragaza umusaruro w’imbaraga zashyizwe mu kubungabunga urusobe rw’ibinyabuzima muri Pariki y’Igihugu y’Akagera n’ibindi byanya bibumbatiye ibinyabuzima.

The New Times yanditse ko muri 2010, Pariki y’Igihugu y’Akagera yari irimo inyamabere zibarirwa mu 5000 ariko ubu zirenga ibihumbi 11, na byo byerekana uburyo urusobe rw’ibinyabuzima rwitabwaho.

Imvubu ziri mu nyamaswa zikomeje kwiyongera muri Pariki y'Akagera

Imparage muri pariki y'Akagera ziboneka ku bwinshi

Kuva mu 2015 pariki y'Akagera yagaruwemo intare zari zaracitsemo

Inyoni yo mu bwoko bwa Black headed Gonolek iri mu ziboneka muri pariki y'Akagera

Inzovu ziza mu nyamaswa zororotse cyane muri pariki y'Akagera, mu myaka 12 ishize

Pariki y'akagera irimo ibibaya n'ibishanga bifasha inyamaswa ziyibarizwamo kororoka

Isha ni zimwe mu nyamaswa zororoka cyane muri Pariki y'Akagera