Ornella Umutoni yamuritse imyambaro ku munsi wa mbere wa New York Fashion yatangiye ku itariki 9 Gashyantare 2024.
New York Fashion izamara iminsi itandatu ibera mu Mujyi wa New York. Ni birori biri ku mwanya wa kane ku Isi mu by’imideli nyuma ya Paris Fashion Week, Milan Fashion Week na London Fashion Week.
Christine Munezero yitabiriye New York Fashion Week ahagarariye Next Model Management yatangiye mu 1989 i New York ariko ifite amashami mu mijyi nka Paris, Miami, Los Angeles, Milan, London n’ i Madrid.
Ni mu gihe Ornella Umutoni yitabiriye New York Fashion Week aturutse muri Elite Model Management y’i New York. Iyi sosiyete yatangiriye i Paris mu 1972. Ifite amashami mu mijyi itandukanye nka Miami, Los Angeles, New York, Toronto na Barcelona.
Umufite Anipha we yaherukaga muri London Fashion Week yo muri Gashyantare ya 2023, kuri iyi nshuro ari gushakirwa akazi na The Society Management.
New York Fashion Week, imibare iri ku rubaga rwayo yerekana ko yinjiriza Umujyi wa New York miliyoni 900$ buri mwaka. Yitabirwa n’abarenga 230.000 baturutse hirya no hino ku Isi. Ni ibirori biba kabiri mu mwaka. Muri Gashyantare no muri Nzeri byerekana imyambaro izambarwa mu bihe by’imvura n’iyo mu bushyuhe.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!