Ngendahayo, Bigoyiki na Muhayimana bakoresheje amasaha ane, iminota22 n’amasegonda 24.

Ironman ni Irushanwa rya Thriathlon rikinwa n’abantu batabigize umwuga bakina umukino wa Triathlon ugizwe n’imikino itatu, irimo gusiganwa ku maguru, gusiganwa ku magare no koga.

Kuri iyi nshuro hiyongereyemo kurushanwa bahanahana aho umwe yoga,undi agatwara igare bigasozwa n’uwiruka.

Muri aya marushanwa yahuje abakinnyi 155 bo mu makipe 35 yo mu bihugu 37, ku ruhande rw’abagore Umuhorandikazi Berber Kramer yabaye uwa mbere akoresheje amasaha atanu, iminota 8 n’amasegonda 52.

Ilya Slepov nyuma yo kwegukana iri rushanwa yavuze ko yatewe imbaraga n’abaturage yagiye ahura nabo mu nzira, ashima imitegurire y’u Rwanda.

Ati “Byari bigoranye ariko natewe imbaraga n’abaturage banteraga akanyabugabo aho twanyuraga kandi wabonaga byateguwe neza. Nishimiye kuba nongeye gutwara irushanwa rya mbere muri Afurika’’.

Bigoyiki Eliezer wo muri Cercle Sportif ya Karongi yabaye iya mbere mu guhanahana, yavuze ko bishimishije kubona babaye aba mbere.

Ati “Byadushimishije cyane kubona ribaye ubwa mbere mu Rwanda ikipe yacu Cercle Sportif igahita iryegukana. Byose byavuye muhate ikipe yacu yashyizemo mu gutegura. Ibi biratwereka ko n’ubutaha tuzaba aba mbere kuko n’ubu dutsinze twariteguye igihe gito’’.

Uko bakurikiranye muri rusange
Abagore

1.Berber KRAMER (U Buholandi)

2.Khadiga AMIN (Misiri)

3.Dana PIER (USA)

Mu bagabo

Ilya SLEPOV (U Burusiya)

Stuart HAYES GBR (u Bwongereza)

Donovan GELDENH (Afurika y’Epfo)

Mu bakinnye bahanahana

1.Germain NGENDAHAYO, Japhet MUHAYIMANA,Eliezel BIGOYIKI-(Rwanda)

2. Matthew BROKENSHIRE, Fazili RUKARA, Jean RUBERWA (Rwanda)

3. Emmanuel MUTABAZI,Jean de Dieu TWIBANIRENIMANA, Vital GATETE (Rwanda)

Umurusiya Ilya Slepov ubwo yari ageze aho irushanwa ryabereye

Umurusiya Ilya Slepov ni we wegukanye Irushanwa rya IRONMAN 70.3 mu bagabo mu 2022

Abanyarwanda bari baje gushyigikira iri rushanwa ribaye ku nshuro ya mbere

Muri IRONMAN abarushanwa ku magare na bo bahabwa rugari

Mbere yo koga yabanje kwitunganya neza ngo hatagira ikimubangamira

Bigoyiki Eliezer wo muri Cercle Sportif ya Karongi, mu gusiganwa ku maguru yaje imbere

Imikino ya IRONMAN habamo koga, gusiganwa ku maguru no gutwara igare

Bigoyiki Eliezer wo muri Cercle Sportif ya Karongi ubwo yageraga aho basoreje

Irushanwa rya IRONMAN ni ubwa mbere ryari ribereye mu Rwanda

Buri wese yagendaga acunganwa n'amasaha kugira ngo aze ku mwanya wa mbere

Buri wese mu barushanwa yabaga afite akamashini kabara igihe yakoresheje

Aho gusoreza abanya-Rubavu amatsiko yari yose

Abaturage bishimiye aya marushanwa abaye ku nshuro ya mbere

Abaturage bo mu Karere ka Rubavu bari baserutse ku bwinshi kwihera amaso iri rushanwa ryari ribereye mu Rwanda ku nshuro ya mbere

Abanya-Rubavu bari baje ku bwinshi

Abagore bari mu bigaragaje muri IRONMAN Rubavu