Lionel Messi yatangiye kugaragara kuri uru rutonde mu 2005. Gusa bwa mbere muri icyo gihe cyose ntaruriho nyuma y’umwaka mubi yagize muri Paris Saint Germain kuva yava muri Barcelone.

Messi mu mikino 34 yakiniye PSG umwaka ushize, yatsinze ibitego 11 gusa. Ni ibintu byaherukaga kuba mu mwaka we wa mbere atangira gukina mu Ikipe Nkuru ya Barcelone.

Nubwo atagaragaye kuri uru rutonde, Messi ni we wegukanye iki gihembo inshuro nyinshi kuva cyatangira gutangwa mu 1956. Inshuro zirindwi (2010, 2011, 2012, 2015, 2019, 2021).

Ubwo yatwaraga iya 2011 yahise aca agahigo ko kuyitwara inshuro eshatu zikurikiranya kari gafitwe na Johan Cruyff, Michel Platini na Marco van Basten.

Urutonde rw’abakinnyi 30:

Thibaut Courtois (Real Madrid), Mohamed Salah (Liverpool), Rafael Leao (AC Milan), Christopher Nkunku (RB Leipzig), Joshua Kimmich (Bayern Munich), Trent Alexander-Arnold (Liverpool), Vinicius Jr (Real Madrid), Bernardo Silva (Manchester City), Luis Diaz (Liverpool), Robert Lewandowski (Barcelona), Riyad Mahrez (Manchester City), Casemiro (Real Madrid), Heung-Min Son (Tottenham), Fabinho (Liverpool), Karim Benzema (Real Madrid).

Hariho kandi Mike Maignan (AC Milan), Harry Kane (Tottenham), Darwin Nunez (Liverpool), Phil Foden (Manchester City), Sadio Mane (Bayern Munich), Sebastien Haller (Borussia Dortmund), Luka Modric (Real Madrid), Antonio Rudiger (Real Madrid), Cristiano Ronaldo (Manchester United), Kevin de Bruyne (Manchester City), Dusan Vlahovic (Juventus), Virgil van Dijk (Liverpool), Joao Cancelo (Manchester City), Erling Haaland (Manchester City) na Kylian Mbappe (Paris Saint-Germain).

Lionel Messi ntari ku rutonde rwa Ballon d’Or ku nshuro ya mbere mu myaka 17