Confy yabwiye IGIHE ko amaze iminsi yivuriza hanze mu bihugu bituranye n’u Rwanda birimo Tanzania, Kenya n’ahandi ariko aho gukira agakomeza kuremba.

Ati “Maze iminsi nivuriza hanze, mu bihugu bituranye n’u Rwanda kuko byafashe indi ntera ariko nta gihinduka ahubwo nkomeza kuremba mu buryo bukomeye. Sinzi uko bizagenda kugeza uyu munsi.’’

Yavuze ko yarangiwe imiti itandukanye irimo n’iya kinyarwanda nayo ntigire icyo imufasha.

Yakomeje avuga ko abafana be bakwiriye kwihangana mu gihe bamaze batamubona kuko ari ukubera iyo mpamvu.

Uyu musore amaze amezi abiri ashyize hanze indirimbo ]ariko avuga ko yananiwe kujya mu itangazamakuru kuko yahise aremba ku buryo yabangamirwaga no kujya ku karubanda.

Ati “Mperuka gushyira hanze indirimbo ariko byambanye ikibazo kuyamamaza kuko nahise ndemba.’’

Yanavuze ari gutekereza gushyira hanze album yaba ariko afite impungenge, z’uko abantu adashobora kugaragara mu mashusho y’indirimbo ziriho.

Uyu musore amaze iminsi amerewe nabi n'uburwayi

Confy yari amaze gufata imitima y'abiganjemo abakobwa kubera ibihangano bye

Confy ntacyo atarakora ariko aho gukira araremba