Itsinda rya muzika Active riratangaza ko rifite ibirori bidasanzwe kuri uyu wa Gatanu tariki 29 kanama 2014 kuri Zoom Side Resto Bar.
Nk’uko abagize Active babitangarije IGIHE, kuri uyu wa Gatanu barerekana amashusho y’indirimbo bise Lift.
Amashusho y’iyi ndirimbo yakozwe na Producer Meddy Saleh usanzwe ukorera muri Press it.
Active ivuga ko uburyo aya mashusho akoze buri ku rwego rwo hejuru ari nayo mpamvu basaba abafana babo kuza kureba bwa mbere iyi ndirimbo.
Ku rundi ruhande, bavuga ko hari no gutungurana baza kwerekana kuri uyu mugoroba ubwo baza kuba berekana iyi ndirimbo ku basohokera muri zoom side.
Dj Bisoso ukorera kuri Zoom Side ari nawe utegura iyi gahunda yo kwerekana amashusho y’indirimbo nshya z’abahanzi bo mu Rwanda, yavuze ko kwinjira biza kuba ari ubuntu nk’uko bisanzwe.
Amwe mu mashusho azagaragara muri iyi ndirimbo Lift:
TANGA IGITEKEREZO