Umuhanzi Auddy Kelly na Jody Phibi bari gutegura igitaramo ku itariki 21 Nzeri cyiswe “Sinzagutererana Concert”, aho bazamurika amashusho y’iyi ndirimbo, ari nako bazatangariza abakunzi babo byinshi ku by’urukundo rwabo.

Iki gitaramo kizabera mu cyumba mberabyombi cya SFB, ari naho umuhanzi Audy yiga.

Kizitabirwa n’abahanzi “Jay Polly”, “TBB”, “Christopher”, “Bruce Melody” n’abandi, kikazatangira i Saa kumi z’umugoroba (4pm).

Jody, umwe mu bakobwa bazwiho ijwi ryiza hano mu Rwanda

Audy Kelly uzwi mu ndirirmbo” Ndakwitegereza” na Jody mu ndirimbo “Ndacyashidikanya” mu gihe byavugwaga ko bombi baba bari mu rukundo, bahise bashyira hanze indirimbo bayita “Sinzagutererana” yanakunzwe n’abatari bake ndetse ituma benshi basa nk’abashimangira iby’urukundo rwabo bombi.

Aganira na IGIHE, Audy yagize ati“Ndashaka ko ibyanjye na Jody bizamenyekana habona kuri uwo munsi”.

Auddy na Jody

Sinzagutererana ni indirimbo imaze gukundwa ku buryo yifashishijwe mu kwamamaza imwe mu maradiyo akorera hano mu mujyi wa Kigali.