Uru rutonde rwakozwe n’uburubuga ‘Afri Fashion Promotion’ rukorera muri Ghana na Nigeria, rusanzwe rukora ibikorwa byo guteza imbere uruganda Nyafurika rw’imideli.
Christine Munezero ni Umunyarwandakazi w’imyaka 26 ukomeje kuzamura ibendera ry’u Rwanda mu kumurika imideli, binyuze mu bigo mpuzamahanga by’imideli akorana nabyo.
Mu 2019 nibwo yatangiye gukorana na ‘Webest Model Management’ yamufashije kugera ku ruhando mpuzamahanga akomezanya na ‘Next Models Worldwide’ yamutumbagije.
Buri birori bikomeye by’imideli nka ‘New York Fashion Week’, ‘Paris Fashion Week’, ‘Milan Fashion Week’ n’ibindi uyu mukobwa abigaragaramo yerekana imyambaro y’ibigo bitandukanye mpuzamahanga.
Mu bigo by’imideli yakoranye nabyo harimo Maison Valentino, Maison Margiela, Chloé, Dior, Versace, Maxmara, Gucci, Courrèges, Giambattista Valli n’ibindi.
Kuri uru rutonde hariho na Anok Yai uturuka muri Sudani y’Epfo, Maria Borges wo muri Angola, Mary Ukech nawe w’umunya-Sudani, Gifty Emmanuel wo muri Nigeria, Herieth Paul wo muri Tanzania, Ugbad Abdi wo muri Somalia na Mayowa Nicholas w’umunya-Nigeria.
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!