00:00:00 IGIHE NETWORK KN KINYARWANDA EN ENGLISH FR FRANCAIS

AS Kigali yageze muri Tanzania mu marushanwa ya CAF women’s Champions League

Yanditswe na Iradukunda Olivier
Kuya 13 Kanama 2022 saa 03:49
Yasuwe :

AS Kigali yageze muri Tanzania aho igiye kwitabira amajonjora yo gushaka itike yo kwitabira amarushanwa y’Amakipe y’Abagore yitwaye neza iwayo (CAF women’s Champions League).

AS Kigali WFC yageze muri Tanzania mu gitondo cyo kuri uyu wa Gatandatu tariki ya 13 Kanama 2022. Igiye kwitabira imikino ihuza amakipe yo muri Afurika y’Iburasirazuba.

Ni mu mikino ihuza uturere twa Afurika mu gushaka itike yo kwitabira imikino y’Amakipe yitwaye neza iwayo muri Afurika.

Umukino ubanza AS Kigali y’abagore izahurira na Fofila PF ikomoka mu Burundi, ku wa Mbere tariki ya 15 Kanama 2022, kuri Azam Complex.

Indi mikino AS Kigali izakina izahura na Warriors Qfc yo muri Zanzibar, izakina kandi na Commercial Bank E. Fc yo muri Ethiopia.

AS Kigali igiye muri aya marushanwa imaze igihe kirenga ibyumweru bitatu iri mu mwiherero, yitegura iyi mikino yitabiriwe bwa mbere n’ikipe iturutse mu Rwanda. Imikino izatangira tariki ya 17 Kanama, isozwe tariki ya 27 Kanama 2022.

AS Kigali yageze muri Tanzania gukina imikino ya CAF Women’s Champions League
AS Kigali yitabiriye aya marushanwa nyuma yo kwitwara neza mu Gikombe cy'Amahoro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .