Umuhango wo gusezeranya Cedric n’umugore we Gigi wabereye ku biro by’Umujyi wa Kigali ku gicamunsi cyo kuri uyu wa 16 Kanama 2022.

Kugeza ubu uyu munyamakuru byitezwe ko azakora ubukwe ku wa Gatandatu tariki 20 Kanama 2022.

Ni ubukwe buzatangizwa n’umuhango wo gusaba no gukwa ukazabera i Ndera mu gihe gusezerana imbere y’Imana byo bizabera muri Shapele ya Centre Christus i Remera naho abatumiwe bakazakirirwa mu ishuri rya Kigali Parents.

Cedric ni umunyamakuru w;imyidagaduro wamenyekanye cyane kuri Contact FM na Contact TV, nyuma y’uko ifunze imiryango yaje kwerekeza ku Isango star aho akora mu kiganiro Isango na Muzika ndetse na Sunday Night.

Uretse amakuru y’imyidagaduro ariko ni n’umusore uzwiho gusoma neza amakuru asanzwe ku Isango TV.

Cedric wo kuri Isango Star yarahiriye kubana akaramata na Gigi

Gigi yemereye amategeko kuba umugore wa Cedric

Cedric ashyira umukono ku iserano yahaye umugore we

Ni ibyishimo mu muryango wa Cedric na Gigi biyemeje kurushinga

Cedric yasezeye ubusore imbere y'amategeko

Cedric na Gigi biyemeje kurushinga bakabana akaramata