Ibi birori byabaye nyuma y’iminsi 10 aba bombi basezeranye mu mategeko. Umuhango wo gusaba no gukwa wabereye ku Irebero muri Mlimani Garden, gusezerana imbere y’Imana bibera muri Paruwasi ya Kanombe, mu gihe abatumiwe basubiye kwakirirwa muri Mlimani Garden.

Ubu bukwe bwitabiriwe n’abanyamupira benshi biganjemo abanyamakuru, abakinnyi ndetse n’abandi benshi bihebeye imikino muri rusange.

Uyu musore azwi cyane nk’umunyamakuru w’imikino wanyuze mu binyamakuru bitandukanye birimo Isango Star akorera ubu, Umuseke, Radio1, Radio Flash n’ibindi binyuranye.

Uretse kuvugira Rayon Sports, Nkurunziza asanzwe ari n’umukunzi w’iyi kipe igira abafana benshi mu Rwanda, kongeraho Manchester United yo mu Bwongereza.

Gogo warushinze na Nkurunziza ni umufana ukomeye wa APR FC na Arsenal FC yo mu Bwongereza.

Muri bimwe byaranze ubu bukwe ni aho mbere gato yo gutanga impano bateye indirimbo ya Rayon Sports yitwa Murera mu gihe abasangiye na Gogo kwihebera APR FC na bo bahise bazamura indirimbo yayo.

Kuba aba bombi basanzwe bafana amakipe y’amakeba biri mu byatumye benshi batangarira urukundo rwabo rwashinze imizi kuva mu myaka icyenda ishize.

KANDA UREBE ANDI MAFOTO MENSHI YARANZE UBUKWE BWA NKURUNZIZA NA GOGO

Aba bombi bashyingiwe nyuma y'imyaka igera ku icyenda bari bamaze bakundana

Abageni bari bashagawe bihambaye

Umuhanzi Rugamba Yvan wamamaye nka Yverry ni we waririmbye muri ubu bukwe

Umuhanzi Yverry yaririmbiye Nkurunziza n'umugore we

Babanje kuragiza Imana ibirori byabo

Nkurunziza na Munyakazi wamubereye 'parrain' basangiye icyo kunywa

Nkurunziza na Gogo banyujijemo babyina ingwatira

Baririmbanye babwirana amagambo y'urukundo

Abageni bafatanye urunana bacinya akadiho

Nkurunziza na Nkusi basangiye n'icyo kunywa

Nkurunziza na Nkusi bakata umutsima

Berekanye uko bazajya bakira ababagendereye

Nkurunziza na Nkusi banyuzagamo bakongorerana utugambo twiza

Munyakazi Sadatte wari 'Parrain' n'Umunyamakuru wa RBA, Rigoga Ruth wari 'Marraine' banyuzagamo bakabyina

Benshi bafataga amafoto y'urwibutso y'ubukwe bwa Nkurunziza na Gogo

Umunyamakuru akaba n’Umuvugizi wa Rayon Sports, Nkurunziza Jean Paul n’umukunzi we Nkusi Goreth "Gogo" ufana APR FC bari bafite akanyamuneza ku munsi wabo

Umunyamakuru wa RBA, Fiston Habineza, ni we wayoboye ibi birori

Ahishakiye Patrick wakoreye Radio 10 ni uko yaserutse

Maxime umenyerewe cyane muri Basketball aho yihebeye Ikipe ya REG BBC yishe icyaka

Munyakazi Sadate wahoze ayobora Rayon Sports yari 'Parrain' wa Nkurunziza Jean Paul bakoranye

Ni ibirori byitabiriwe n'abantu b'ingeri zitandukanye

Umuvugizi wa Rayon Sports yarongoye Nkusi ’Gogo’ wihebeye APR FC

Ubukwe bwari bubereye ijisho

Nkurunziza yaririmbiye umugore we Gogo indirimbo ya Yverry yitwa "Amabanga"

Binjiye ahabereye ibirori bafite akanyamuneza

Gogo asanzwe ari umufana ukomeye wa APR FC

Nkusi 'Gogo' yari afite umunezero udasanzwe

Uyu aba ari umunsi w'ibyishimo!

Perezida wa Rayon Sports, Uwayezu Jean Fidèle, yifurije urugo rwiza umuvugizi wayo Nkurunziza Jean Paul

Perezida w'Abafana ba Rayon Sports, Muhawenimana Claude, yishimiye umuhanzi Yverry

Umunyamakuru wa Ishusho TV, Mugenzi Faustin uzwi nka Simbigarukaho, yari yanigirije

Umunyamakuru wa Flash FM, Kayiranga Ephrem n'umufasha we bari mu batashye ubukwe bwa Nkurunziza na Nkusi

Umunyamakuru wa B&B FM- Umwezi, Fuadi Uwihanganye, yari yishimiye kubona Nkurunziza arongoye

Umukinnyi wa Police FC, Kayitaba Jean Bosco, ni umwe mu batashye ubukwe bwa Nkurunziza na Nkusi

Umufana ukomeye wa REG BBC, Maxime yari yizihiwe

Uhereye ibumoso: Abanyamakuru b'imikino Mugenzi Faustin wa Ishusho TV, Bob wa Rayon Sports, Fuadi Uwihanganye wa B&B FM- Umwezi na Nuwamanya Amon wa Kigali Today [uhagaze inyuma] bashyigikiye mugenzi wabo basangiye umwuga wo gutangaza amakuru

Perezida w'Ishyirahamwe ry'Abanyamakuru b'Imikino, Jean Butoyi, ari mu batashye ubu bukwe

Ni ubukwe bwatashywe n'abakuru n'abato

Ni ubukwe bwitabiriwe n'abantu benshi biganjemo abakunda siporo

Uyu we yahisemo kwibikaho agafoto ku rwibutso

Umunyamakuru w'Imvaho Nshya, Bugingo Fidèle, na we ari mu bagiye gushyigikira Nkurunziza na Nkusi mu bukwe bwabo

Umunyamakuru wa RBA, Mugaragu David, na we ntiyahatanzwe

Umunyamakuru w'Imikino kuri Kiss FM, Jado Max, yanyuzagamo agatera akajisho kuri telefoni areba amashusho yafashe

Umunyamakuru wa Royal FM, Umuhire Rebecca na Kanyamahanga Jean Claude [Kanyizo] bagiye gushyigikira Nkurunziza bakoranye

Umunyamakuru wa RBA, Giramata Anny Lescano yari kumwe na Gisele wa Isango Star

Giramata Anny Lescano, Umunyamakuru wa RBA, yari yabyambariye

Umunyamakuru wa Power FM, Umutoni Claire na Mugenzi Faustin wa Ishusho TV akanyamuneza kari kose mu bukwe bwa mugenzi wabo

Amafoto: Shumbusho Djasiri

Video: Irakoze Excellent