Uyu ukaba ari umunsi uri hagati neza mu mwaka, kuko hamaze gushira iminsi 182 ndetse indi nk’iyo ikaba ariyo isigaye uyu mwaka ukagera ku musozo.

Bimwe mu byaranze uyu munsi mu mateka

1561: Menas, Umwami w’Abami wa Ethiopia yakubise inshuro inyeshyamba z’ahitwa Emfraz.

1679: Itsinda rya Mbere ry’Abanyaburayi ryageze ku isoko y’Umugezi wa Mississippi i Minnesota, iri tsinda ryari riyobowe na Daniel Greysolon Du Luth.

1777: Leta ya Vermont muri Leta Zunze Ubumwe za Amerika yabaye Leta ya mbere mu guhagarika ubucuruzi bw’abacakara.

1823: Leta ya Bahia muri Brazil yabonye ubwigenge, hasozwa ubukoloni bwa Portugal.

1871: Nyuma yo gutsinda Leta ya Papa, Umwami Victor Emmanuel II w’u Butaliyani yigaruriye Roma.

1964: Perezida Lyndon B. Johnson wa Leta Zunze Ubumwe z’Amerika yashyize umukono ku masezerano yo kurwanya ivangura.

1966: Ingabo z’u Bufaransa bwa mbere zatangiye isuzuma n’igerageza ry’ibisasu kirimbuzi bya nuclear, iri suzuma ryakorewe mu Nyanja ya Pacific.

1976: Isenyuka rya Repulika ya Vietnam y’Amajyepfo yahise yiyunga ku y’Amajyaruguru igendera ku mahame ya Gikominisite (Communist) bibyara Repubulika imwe igendera ku mahame ya Gisosiyalisite (Socialist).

1993: Abantu 37 bari bapfiriye mu bwicanyi bwabereye ahitwa Alevi muri Turikiya, ahari habereye iserukiramico, nyuma hotel ya Sivas yari yabereyemo iri serukiramuco iza kugabwaho ibitero.

2010: Muri Kivu y’Amajyepfo, muri Repubulika Iharanira Demokarasi ya Congo, mu gace ka Sange ikamyo yari itwaye ibikomoka kuri Peteroli yafashwe n’inkongi y’umuriro, maze abantu bagera kuri magana abiri na mirongo itatu bahasiga ubuzima, abandi ijana na mirongo icyenda na batandatu barakomereka.

Bamwe mu bavutse uyu munsi

1903: Alec Douglas-Home, wabaye Minisitiri w’Intebe mu Bwongereza.

1925: Patrice Émery Lumumba, ufatwa nk’intwari yaharaniye ubwigenge bwa Repubulika Iharanira Demokarasi ya Congo arwanyije Ababiligi bari baragikoronije. Yanabaye Minisitiri w’Intebe wa mbere w’iki gihugu.

1975: Stefan Terreblanche, yari umukinnyi wa rugby ukomoka muri Afurika y’epfo.

Bamwe mu bavutse uyu munsi

1850: Robert Peel, umunyapolitiki ukomoka mu Bwongereza; yabaye na Minisitiri w’Intebe w’iki gihugu.

1961: Ernest Hemingway, Umunyamerika w’umwanditsi ukomeye wanabiherewe Igihembo cyitiriwe Nobel.